თბილისის კოშკები – ფოტოკოლაჟი


ამასწინათ ექიმმა სუფთა ჰაერზე სეირნობა გამომიწერა. თბილისში სუფთა ჰაერი არც ისე ადვილი საპოვნელია, თუმცა მის პატარა წილს მაინც მივაგენი, ყოფილი იპოდრომის ტყე-მინდვრებში. თუკი შეიძლება ასე ეწოდოს იმ პატარა კუნძულს, რაც ყოფილი იპოდრომისგანაა დარჩენილი.

ამ ბოლო დროს ერთი ჩვევა ავიკიდე, ხანდახან ფოტოაპარატს გადავიკიდებ ხოლმე და დავატარებ. ხან ფირისას, ხან კი ციფრულს. ამ გასეირნებაზეც ისე აღმოჩნდა, რომ ციფრული აპარატი მქონდა მხარზე გადაკიდებული (Nikon D3100) და რამდენიმე ფოტოც გადავიღე, რომლებიც, ჩემის აზრით, ძალიან მოუხდება ჩემი ბლოგის შეცვლილ დიზაინს. ისეთი ლამაზი და მინიმალისტური დიზაინი შევურჩიე აქაურობას, რომ მგონი ამას ყველაფერი მოუხდება. მათ შორის, ახალი პოსტიც, რომელთა წერითაც, როგორც შეატყობდით, ამ ბოლო ხანებში დიდად თავს არ ვიკლავ.

ასე რომ ამ ფოტოებს აქაც გამოვფენ და ამავე დროს ჩემს პროფილებსაც დავარეკლამებ ფოტო-შეარინგის საიტებზე. Flickr – სადაც უხსოვარი 2007 წლიდან მაქვს პროფილი, ეგეც ცვალებადი აქტიურობით. თუმცა 2019 წლის იანვრიდან რაღაც ახალ შეზღუდვებს ამატებენ ამ მართლაც კარგ საიტს, ამიტომ ახალი ხერხების ძიებაში, ახალ საიტსაც შევეფარე – 500px.com. ძალიან მესიამოვნება, თუ ამ პროფილებზე დამაფოლოვებთ.

ახლა კი რამდენიმე ფოტო, თვალს რომ ესიამოვნოს.

ასე შენდება იპოდრომთან ხიდი
განაგრძე პოსტის კითხვა

Divani Red pill party [videos]


RTmo8SGsY49judHa6EH5lxtui6qoc1VnnlLnxm0BQ-kმაშ ასე, მოვიდა 2013 წელიც და დადგა დრო ფართების ახალი სეზონისა. ღია ცის ქვეშ ფართაობისთვის ჯერჯერობით ძალიან ცივა, ამიტომაც კლუბს მივადექით. კერძოდ კლუბ “დივანს” (რომელიც ფესტივალიც და რესტორაციაცაა ამავდროულად). წელს პირველი ფართი 2 მარტს გავმართეთ და აქ მინდა შემოგთავაზოთ მისი ამსახველი ვიდეომასალა. სხვათა შორის, ეს მგონი პირველი ფართია, სადაც არ დაგვეზარა და ასე თუ ისე კარგი რაოდენობის და ხარისხის ვიდეოები გადავიღეთ.

წინა მსგავსი ღონისძიებების რეპორტები, როგორც ფოტო, ასევე ვიდეო შეგიძლიათ იხილოთ კატეგორიაში “ფართები“.

ჰო, ინფო ფართიზე და პოსტერი წინა პოსტშია.

ახლა კი ვიდეოები, ქრონოლოგიურად:

ფართი ობრიგადომ გახსნა, თავისი დაჭმუჭნული, ვაბვაბა მუსიკით, რომელიც ზოგიერთ წრეებში დაბსტეპის სახელითაცაა ცნობილი:

ლინკი: youtube.com/watch?v=dDxpzvSt8S8

[ამის შემდეგ ბევრი ფოტო-ვიდეო მოდის, ამიტომაც რიდმორია ჩასმული, დააჭირეთ და განაგრძეთ კითხვა] Continue reading “Divani Red pill party [videos]”

პროტესტი სარკოზის ვიზიტს [video]


უმეტესობას მოგეხსენებათ, 7 ოქტომბერს საფრანგეთის ბატონი პრეზიდენტი გვეწვია თბილის ქალაქში. ალბათ ნაკლებს მოგეხსენებათ, რომ ამ მოვლენის გასაშუქებლად მივლენილ ჟურნალისტებს შორის მეც გახლდით. ასეა თუ ისე, საბოლოოდ აღმოჩნდა, რომ საჭირო დროს აღმოვჩნდი საჭირო ადგილზე და სრულიად შემთხვევით რამდენიმე ახალგაზრდა გადავიღე, რომლებიც მეტად… ასე ვთქვათ, უცნაური მეთოდით გამოხატავდნენ პროტესტს. თუ როგორი იყო ეს მეთოდი, შეგიძლიათ ქვემომდებარე ვიდეოში იხილოთ:

”ჩხუბი მორევაზეა” – ნინო ბურჯანაძე


ეს არ არის საინფორმაციო სტატია. ინფორმაცია უამისოდაც ბევრია ინტერნეტში.

ისე აგიხდეთ ყველაფერი კარგი, როგორც ქალბატონი ნინოს ეს ფრაზა ახდა. ”ჩხუბი მორევაზეა” – განაცხადა მან ერთ-ერთი გამოსვლისას და ამაყად გადაავლო თვალი თავის უძლეველ არმიას. რამდენად მორევაზე აღმოჩნდა ჩხუბი, ამას ქვემორე სურათებიდან შეიტყობთ.

მაშ ასე, ნაწილი პირველი – ”მოდით და ვინ ვის მოერევა, ვნახავთ” – ნინო ბურჯანაძე.

Continue reading “”ჩხუბი მორევაზეა” – ნინო ბურჯანაძე”

ჩემი Rope Jumping-ი


ესეც ასე, გადმოვხტი ხიდიდან, როგორც იქნა.

ახლა სამსახურში გავრბივარ, ამიტომ უბრალოდ ვიდეოს წარმოგიდგენთ, რომლიდანაც, პრინციპში, თავისუფლად იგრძნობთ იმას, რასაც ვგრძნობდი მე. ასე რომ ვიდეო:

სრული ზომით საყურებლად გამოიყენეთ ეს ლინკი.

აქვე მეორე ვიდეო, უფრო სწორად პირველის დაჭრილი ვერსია, მხოლოდ ჩემი ხტომის მომენტია ამოჭრილი:

ფლეშმობი ”კინოთეატრი” [მომზადება]


დიდი ხანია ვაპირებდი ფლეშმობის გაკეთებას, ან ველოდებოდი, როდის გააკეთებდა ვინმე სხვა და აი, როგორც იქნა, გადავწყვიტე ავიღო ფლეშმობის ორგანიზება თავზე.

მოკლედ ინტრო – ფლეშმობი არის წინასწარ დაგეგმილი არტი, რომლის დროსაც გარკვეული რაოდენობის ადამიანები იკრიბებიან საზოგადო ადგილზე, აკეთებენ სრულიად შეუსაბამო რაღაცეებს რამდენიმე წუთის განმავლობაში და შემდეგ იშლებიან. ამ ყველაფრის მარილი იმაშია, რომ ფლეშმობს უნდა ჰქონდეს დაუგეგმავი სახე.

სანამ მსოფლიო ფლეშმობების მარგალიტებს შემოგთავაზებდეთ, მინდა გაგაცნოთ იდეა, რომელიც რამდენიმე ხნის წინ მოგვივიდა მე და საბუნიას თავში. ანუ ni2.ge-ს. ვაციტირებ ფორუმიდან:

ტელევიზიასთან რომ არის პატრულის ვიტრინებიანი შენობა, იმის წინ არის გადასარევი პარკი, სადაც შეიძლება მოეწყოს ასეთი ფლეშმობი:

დათქმულ დროს მიდის 30-50 კაცი მანდ თავისი სკამებით, დგამენ ისე, როგორც კინოთეატრში დგას, სხდებიან და უყურებენ.

შეიძლება რამდენიმე ექსტრა ვეში:

  • პოპკორნები
  • დაგვიანებით მოსული როჟა რომ სკამებს შორის ჯდება გვერდული სიარულით
  • უკანა რიგებში მოზასავე წყვილი
  • რაღაც “საშიშ” მომენტებში ერთდროული კივილი
  • “რამაწიჩნი” მომენტებზე ტირილი
  • მობილური არ უნდა გამორთოს ერთმა და შუა ,,ფილმის” დროს დაურეკოს
  • “კულმინაციურ მომენტებში” ქართული ხასიათის გათვალისწინებით ყველა ერთდროულად უკრავს ტაშს.
  • “ლენტის გაწყვეტისთვის” სტვენა და პოპკორნის წვიმა გავუშვათ ვიტრინისკენ.
  • სხვა…
    მსურველები და იდეის მომხრეები ჩაეწერეთ, სავარაუდო დრო – აღდგომის შემდეგი კვირადღე.
    პ.ს. ვიდეოს გადაღება აუცილებელია Continue reading “ფლეშმობი ”კინოთეატრი” [მომზადება]”

რაგბის ნაკრების არაოფიციალური მხარდამჭერი კლუბი


2008, 23 თებერვალი. პორტუგალია-საქართველო. ევროპის ერთა თასი

ალბათ გაიგებდით, რომ 20 მარტს რუსეთის ნაკრებს ვეთამაშებით რაგბს და თამაში ტრაბზონშია. ეს ჩვენს საშინაო თამაშად ითვლება, ისევე როგორც უკრაინაში, მარიუპოლში გამართული თამაში ჩაეთვალა რუსეთს საშინაოდ. მარიუპოლში ბევრი ქართველი გულშემატკივარი ვერ წავიდა, გამომდინარე იქედან, რომ 300-500$ ჯდებოდა ეს ტური. ტრაბზონში ჩასვლა კი გაცილებით იაფია და გამომდინარე აქედან ბილეთები უკვე ძალიან ძნელი საშოვია ამ თამაშზე.

ახლა კი შევხედოთ მედლის მეორე მხარეს. რუსეთთან თამაშზე ყოველთვის გაცილებით მეტი ხალხი მიდის, ვიდრე სხვა, ზოგჯერ უფრო პრინციპულ და გადამწყვეტ თამაშებზე. ეს ერთი მხრივ გასაგებია, მაგრამ ის ფაქტი, რომ მერე ეს ხალხი თავს საქართველოს ნაკრების ფანს უწოდებს და თამაშებზე სიარულით კი თავს არ იწუხებს, ცოტა არ იყოს და გაბრაზებას იწვევს. ფანობა და გულშემატკივრობა ხომ არ შეიძლება, რომ მხოლოდ ერთი გუნდის წინააღმდეგ იყოს.

ამიტომ გადავწყვიტე და ფეისბუქზე გავაკეთე ჯგუფი – ”მე მაშინაც მიყვარს ჩვენები, როცა რუსეთს არ ვეთამაშებით” (შემოგვიერთდი). ჯგუფის მიზანი და იდეა სათაურშივე ჩანს. ფაქტიურად, თუ ყველაფერი სწორად წავიდა და ჯგუფის წევრებმა რამდენიმე ათასს მიაღწია (რისი იმედიც მაქვს, რადგან გუშინდელს მერე უკვე 208 წევრია ჯგუფში და რაოდენობა იზრდება), ჩვენ შეიძლება გავხდეთ რაღაც არაოფიციალური და რაც მთავარია არაპოლიტიზებული და არაგაპაპსებული მხარდამჭერი კლუბი, რომელიც ხელოვნურად შეკოწიწებულ ფანკლუბებზე უკეთესი იქნება.

ასე რომ მოდით, შემოუერთდით ამ ჯგუფს (თუ იდეას ეთანხმებით, რაღა თქმა უნდა). ერთად ჩვენ ძალა ვართ.

ჯგუფი ”მე მაშინაც მიყვარს ჩვენები, როცა რუსეთს არ ვეთამაშებით” – მოდი!

პ.ს. არ დაგვავიწყდეს, რომ ხვალ 2 საათზე საკმაოდ პრინციპული თამაშია ესპანეთთან.

რამდენი ბლოგია მსოფლიოში?


დაახლოებით ერთი კვირაა რაც მაწუხებს ეს საკითხი. განა იმიტომ, რომ ძალიან მაინტერესებს, ამ საკითხით ჩემი დაინტერესება არ აღემატება საშუალო სტატისტიკური ქართველის ინტერესს – რამდენი კრატერია მთვარეზე. უბრალოდ ეს კვირაა სტატიაზე ვმუშაობ, სადაც ერთ-ერთი მონაცემი უნდა იყოს ბლოგთა რაოდენობის შედარება საქართველოში და სხვა ქვეყნებში. არც ისე მნიშვნელოვანია ეს მონაცემი, მაგრამ საკმაოდ სასურველი. და ამდენი მონაცემის ტყუილად დაკარგვაც არ იქნება კარგი, რაც მოვიპოვე.

თითქოს ყველაფერი მარტივადაა – ვიკიპედია ჩვენი მეგობარია. შედიხარ მანდ, წერ სერჩში სიტყვა ”ბლოგები”-ს, ან მის ინგლისურ/ფრანგულ/კორეულ ანალოგს და შესაბამის ენაზე ეცნობი ყველა მონაცემს. შენც არ მომიკვდე. ბოლო მონაცემი არის 2007 წლის და ისიც საკმაოდ მიახლოებითი, ერთადერთი საიტის – ტექნორატის მონაცემებია, რომლის მიხედვითაც 2007 წელს 112 მილიონი ბლოგი იყო მსოფლიოში. კარგი ბატონო, მაშინ თუ იყო 112 მილიონი, საიდანღაც იგებ, რომ თვეში 100-150 ათასი ბლოგი ემატება ამ ყველაფერს და ყველაფერი კალკულატორის ამბავია. მაგრამ ასე მარტივადაც არ არის. ”the Blog Herald” -ზე ვიპოვე 2008 წლის დასაწყისის სტატია, სადაც ნათქვამია, რომ ამ რაოდენობას ემატება კიდევ 73 მილიონი ჩინური ბლოგი და ხუი ივო ზნაეტ რამდენი სხვა, არაინგლისურენოვანი. ასევე ისინიც, რომლებიც უბრალოდ არცერთ კატალოგში არაა დათვლილი. მოკლედ, დიდი პათოსით და მონდომებით არის მომიხილული მიმდინარე (2008 წლის ანუ) მდგომარეობა და დასკვნა გამოტანილი – არავინ იცის, რამდენი ბლოგია მსოფლიოში და დათვლასაც არ აპირებენ. ამ სტატიის წაკითხვისას ისეთი სურვილი გიჩნდება ადამიანს, რომ საერთოდ აიღო და წაშალო ბლოგი.

ეს ყველაფერი ხდება იქ, გაღმა ნაპირზე, სადაც ყველაფერი კატალოგებადაა დალაგებული და მოწესრიგებული. მაგრამ საიდან მოვიტანო სომხეთის, აზერბაიჯანის და ბალტიისპირეთის მონაცემები, რომელსაც საქართველოსთან შესადარებლად უფრო დიდი მნჳშვნელობა აქვს, ვიდრე თუნდაც ამერიკაში არსებულ 20 მილიონ ბლოგს? ეს ქვეყნები ჩვენნაირები არიან (დაახლოებით) ეკონომიკითაც, ზომითაც და ისტორიული წარსულითაც. კარგი ჩავთვალოთ, რომ  ბლოგკატალოგები, როგორიცაა მაგალითად ჩვენთან blogroll.ge, ასე თუ ისე საორიენტაციო წერტილია და ისინი, ვინც კატალოგში არაა დარეგისტრირებული, არც გადის ბლოგებში. ეს უკვე საკმაოდ უხეში დამრგვალებაა, რადგან თუნდაც საქართველოში, სადაც ამ მომენტისათვის ბლოგროლზე 468 ბლოგია დარეგისტრირებული, არსებობს კიდევ სრულიად გაურკვეველი  რაოდენობის ისეთი ბლოგი, რომელიც უბრალოდ არაა ამ კატალოგში მოხვედრილი.

მოკლედ რომ ვთქვათ, სად ვართ, ჩვენ თითონ არ ვიცით…

ბლოგერები რუსთაველში [vLog]


ვიყავი რა ფილმზე, რომლის სათაურიც ყველასთვის ცნობილია და ჟღერს როგორც ”რაც ყველაზე ძალიან გიყვარს 2”, თავიდანვე გავთვალე, რომ რევიუს დაწერა დამეზარებოდა, ამიტომაც ამ ყველაფერს მივეცი ვიდეო პოსტის სახე, რომლის ხილვაც შეგიძლიათ ქვემოთ. გენადი, ფონოგრამა:

აქვე – შარშანდელი ფილმის მიმოხილვა.

პინგზ:

გამარჯობა სამყაროვ


მოგესალმები უმადურო და სიბინძურით აღსავსე სამყაროვ. კი არ ხარ ღირსი, რომ პოსტი მოგიძღვნა, მაგრამ სხვა რა გზა მაქვს, ღმერთებმა დამავალეს, რომ ასე უნდა მოვიქცე. მე მინდა ჩემი ინტერნეტ პროვაიდერის შესახებ მოგიყვეთ, რომელზეც მანამდეც ბევრჯერ მითქვამს ტკბილი სიტყვები, მაგრამ გპირდებით, რომ შემდეგ პოსტებში მასზე აღარ ვილაპარაკებ.

იყო დრო, როდესაც მე კავკასუსის დიესელის ასე თუ ისე ბედნიერი მომხმარებელი ვიყავი, მიუხედავად ხშირი დისკონექტებისა, მაღალი პინგებისა თუ სხვა ბედნიერებებისა, რასაც ასე თუ ისე მივეჩვიე. მთავარი ხომ ის იყო, რომ ინტერნეტი თითქმის ყოველთვის მქონდა. შემდეგ ეგ ყველაფერი დაიფუშა, კავკასუსის და ტელეკომის ცნობილი თაქის შედეგად და მეც ერთთვიან ოფლაინ რეჟიმში აღმოვჩნდი, რომელ დროსაც ერთი თემატური არტიც მივუძღვენით, რომელიც შეგიძლიათ იხილოთ ამ ლინკზე.

და აი გამოჩნდა სინათლე გვირაბის ბოლოს, ოფლაინი დამთავრდა და ჩემთან ჯელინკი შემოვიდა. ეს იყო დაახლოებით თვენახევრის წინ. ის დღე იყო და ის დღე, ვიფიქრე დავისვენე როგორც იქნა და აღარ მომიწევს გინებით აკლება კავკასუსის ოფისისათქო, მაგრამ თურმე სადა ბანაობ. ჯერ იყო და ნელ-ნელა დაიწყეს შემოპარება და ერთ დღესაც, როდესაც კომპი ჩავრთე, ინტერნეტის მაგივრად ყვითელი სამკუთხედი დამხვდა საათის გვერდზე. დაახლოებით ორი-სამი კვირის განმავლობაში დღეგამოშვებით მოდიოდა ხელოსნების კამანდა, გათიშავდნენ სადარბაზოს როუტერს, მიაერთებდნენ ახალ მეზობელს და როუტერის ჩართვა, რაღა თქმა უნდა, ორიოდე დღის განმავლობაში არც ახსენდებოდათ. მოკლედ, დავიტანჯე, გავწამდი, ამდენი რეკვით კავკასუსის ქოლცენტრის გოგოები ხმაზე მცნობენ და ორი უკვე ცოლობას მთხოვს საერთოდ. საქმეა ეს? ამაში უნდა ვიხდიდე ჩემს ოფლით და სისხლით ნაშოვნ ფულს?

ასე და ამგვარად დადგინდა, რომ კავკასუსი შეგნებულად აკეთებს ამას, ზრუნავს რა ჩემზე, რათა არ გავხდე ინტერნეტდამოკიდებული. მეც მადლობის მეტი რა მეთქმის? ან მეტი რომც ვთქვა, რა აზრი აქვს?

მორალი: ნუ ენდობით პროვაიდერებს, შექმენით თქვენი საკუთარი.

პ.ს. შემდეგ პოსტებში წარმოგიდგენთ პატარა ადოლფს, ჩემს უინტერნეტობის დროს შექმნილ შედევრს.

მეტი ტრანსი! [vLog]


დიდი ხნის დავიწყებული კამერა და კვლავინდებურად ვიდეოპოსტი სიცხეზე, ტრანსზე, ძუძუსთავებზე (ეგენი მიჩანს უბრალოდ) და სხვა მრავალ რამეზე. პოსტი დაწერილია სიცხისგან ჩამომდნარი კლავიატურით და წარმოგიდგენთ ასევე ჩამომდნარი კამერით გადაღებულ ვიდეოს.

კსტაწი, ვიდეოზე გამახსენდა, ”ქრაუ პიქჩერზის” ახალი, თრეშ ფილმი მონტაჟდება უკვე, რომელიც ახლახანს გადავიღეთ… მანამდე კი უყურეთ ვიდეობლოგს:

link: http://vimeo.com/5295866

გავიგუდე…

gavigude

Trance open air – ვეძისი


გუშინ, ანუ 13 ივნისს იყო კიდევ ერთი ტრანს ოუფენ ეარი, ცხადია რომ გახლდით იქ, ამჯერად ვეძისში. ვიდეოები არ მაქვს გადაღებული, შეიძლება ვინმეს აქვს კიდეც, მაგრამ მე მსგავსი არაფერი მომეძევება. მინდა ერთი ვთქვა მხოლოდ – ყველაფერი იყო ახუიწელნი, განსაკუთრებით წვიმაში ცეკვა.

ვიდეო არ მაქვს, სამაგიეროდ მაქვს სურათების სლაიდშოუ, იმედია ცოტათი მაინც გადმოსცემს იმ გიჟურ ატმოსფეროს, რაც იქ იყო. იხილეთ და ინანეთ, რომ არ წამოხვედით:

[rockyou id=139111910&w=500&h=375]

აქვე პატარა აპდეითი, სურათების ”ზი ბესტ” ნაწილი შეგიძლიათ გალერეაშიც ნახოთ: http://my.opera.com/bigcrow/albums/show.dml?id=793907

Lost City open air


Sunshine Group და Psy.ge წარმოგიდგენთ ტრანს ოფენ ეარ ფართის ”Lost City open air” – 30 მაისი, 2009.

გიწვევთ, რომ ერთად ავღნიშნოთ ზაფხულის მოსვლა და გავხსნათ გარე ფართების სეზონი. მთელი ღამე ცეკვა და პოზიტიურად დამუხტული გარემო, ტყე და მისტიკა, 15 საათის განმავლობაში შეუჩერებელი ფსიქოდელია და ტრანსი!

ამ ფართიზე მოისმენთ და დატკბებით ფსიქოდელიური მუსიკის სხვადასხვა სტილებით. ესენია:  goa/psy/forest/dark/suomi/fullon

Djs:

Obrigado
2kija
FluoRo WizaRd
Varsqeni
ॐ ze ॐ
Justbeika
BigCrow

ადგილი, სადაც გაიმართება ფართი, მდებარეობს ცხვარიჭამიასთან, თბილისიდან 15 კილომეტრში, მიტოვებულ პიონერქალაქში, რაც თავისთავად უკვე იმის გარანტიაა, რომ უჩვეულო ღამე გველის. ფართი იწყება 30 მაისს,  საღამოს 9 საათზე და გრძელდება 15 საათის განმავლობაში, მეორე დილის 12 საათამდე.

ახლა ტექნიკური დეტალები – ბილეთის ფასი 15 ლარი, ამას პლიუს 3 ლარი მგზავრობის ფული. მგზავრობა მოხდება ავტობუსით, რომელიც გადის საღამოს 8 საათზე დიღმიდან, დავით აღმაშენებლის ძეგლის მიმდებარე ტერიტორიიდან. უკან გამომგზავრება მოხდება ამავე ავტობუსით, დილის 12-ზე. ბილეთების რაოდენობა შეზღუდულია, ამიტომ  მსურველები დაუკავშირდით ტუკიჯას ტელეფონზე 895 31 09 69 (თორნიკე) ან სკაიპში – kijamusic, ან მე – აქვე.

პატარა დამატება – აუცილებლად წამოიღეთ წყალი და პირადი ჰიგიენის ნივთები. სასმელი შეგიძლიათ არ წამოიღოთ, ვინაიდან ადგილზე იქნება მინიბარი.

მგონი ყველაფერი ვთქვი, აქვე გთავაზობთ ამ ივენთის ლინკებს სხვადასხვა ადგილზე:

last.fm event linkhttp://www.last.fm/event/1078239
Goatrance.dehttp://www.goatrance.de/goabase/party/details/46467
Psynews.orghttp://www.psynews.org/forums/index.php?showtopic=55721
Facebook.comhttp://www.facebook.com/home.php#/event.ph…3180&ref=mf
Psy.ge – http://psy.ge/index.php?showtopic=398

Covers…

lost city

lost city-01

პ.ს. აქვე შეგიძლიათ იხილოთ ერთ-ერთი წინა ფართი, გაკეთებული იგივე ხალხის მიერ: Alienz Flight Trance party – 24.01.2009

უახლესი ისტორია


გთავაზობთ მცირედ ვიდეოკოლაჟს, რომელიც გავიდა ამ შაბათის ”კურიერი P.S.”-ში. მასში ასახულია საქართველოს უახლესი ისტორია, კომენტარის გარეშე, მხოლოდ კადრები, სამი რევოლუცია, სამი არეულობა, სამი ვითომდა სხვადასხვანაირი თაობა და ერთი შედეგი. უყურეთ ვიდეოს და თქვენით გაავლეთ პარალელები, იქნებ რამე ვისწავლოთ. გენადი, ფონოგრამა:

Link: http://www.youtube.com/watch?v=JSyRAkoWno0

ვიდეო 7th Guest-ზე


ფრიად უჩვეულო ვიდეოპოსტი, რომელმაც ამავე დროს მიხსნა იმ საშინელი წამებისგან, რომელსაც პოსტის დაწერა ქვია და რომელიც სიკვდილივით მეზარება ახლა. უჩვეულო მასში მამენტ არაფერია, თუ არ ჩავთვლით გადაღების ადგილს. გადაღებულია გუშინ, თუმცა სანამ შევაგდე, გავაღიავე, ავქაჩე, კი გავიდა მთელი დღე. თუმცა პოსტის სათაურის მოფიქრებაზე რესურსი აღარ  მეყო. მაშ ასე, გენადი ფონოგრამა:

link: http://vimeo.com/4298779

p.s. Post Color.

alienZflight – ფართი


მოგახსენებთ, რომ ა.წ. 24 იანვარს შედგა ახალჩამოყალიბებული ტრანს-ანდერგრაუნდ-პიზდეც-პრომო ჯგუფ ”alienZ Flight” -ის ორგანიზებული ტრანს_ფართი, პირველი ამ წელს. რა იყო ფართიზე, როგორ ხდებოდა ამის გაკეთება და ა.შ. ამ ყველაფრის დაწერა მეზარება, მხოლოდ აფიშას დავაგდებ და ფართის ატმოსფეროს შესაგრძნობად – ცოტაოდენ ვიდეოსაც. სულ 12 წუთიანია. მაშ ასე, აფიშები: alienzflight. 390ASP14352. და ვიდეო :)

Update: ამ ყველაფერთან ერთად შეგიძლიათ დატკბეთ სლაიშოუთი.

[rockyou id=131961097&w=500&h=374]

ნუ თუკი არ აჩვენებს შოუს, მაშინ ლინკით სცადეთ: http://web.splashcast.net/preview/?s=ILWG4083PC

Update 2: აქვე კიდევ ერთი გალერეა, სადაც შეგიძლიათ ნახოთ და გადმოწეროთ სურათები ორიგინალი ზომით. ოპერა ქომიუნითის საიტზე – http://my.opera.com/bigcrow/albums/show.dml?id=694105

Update 3:

ვიდეო შეგიძლიათ იხილოთ (და გადმოიწეროთ) უკვე ვიმეოზეც:

link: http://vimeo.com/4795755

რა მიყვარს მე?!


კითხვა რთულია და დაფიქრებას საჭიროებს, მაგრამ ერთი ცხადია, არ მიყვარს თოვლი, თბილისში რომ იცის ხოლმე ტალახიანი თოვლი, ეგეთი. ზუსტად ეგეთი თოვლი იყო გუშინ, შესაბამისად გუშინდელი დღე სულაც არ იყო ჩემი საყვარელი დღეების სიიდან. არასაყვარელ დღეს კი ყველაზე კარგია სახლში ჯდომა, თბილად და ბედნიერად, კონიაკიანი ჩაის წრუპვა და ბოდლერის შემოქმედებაზე ფიქრი, ცხადია პეროს დახმარებით.

მიუხედავად გარემოებათა ასეთი ცხადი დამთხვევისა, რომელიც მომიწოდებდა დავრჩენილიყავი სახლში და დავკავებულიყავი ზემოთხსენებული საქმიანობით, ჩავიცვი ჩემი ყველაზე თბილი ტანსაცმელი, ღრმად ჩავისუნთქე ცივი ჰაერი და სადარბაზოდან გამოვედი. მიზეზი და მიზანი ფრიად დიადი და ამაღლებული მქონდა – კლიპის პრეზენტაციაზე მივდიოდი. ამიტომაც არ შევიმჩნიე არც ის, რომ არც თუ ისე თბილი ქარი ისედაც საზიზღარ ფიფქებს დიდი მონდომებით მაყრიდა სახეში და კისერში და მეტროში ჩავყვინთე.

კლიპის პრეზენტაცია დაგეგმილი იყო კინო ”რუსთაველში” და ჩვენც, ალბათ ქართული პუნქტუალობის გათვალისწინებით, 4-ის ნახევარზე დაგვიბარეს. შესაბამისად მეც ზუსტად 10 წუთი რომ აკლდა ოთხს, ქუდზე და მხრებზე საკმაოდ დადებული თოვლი ჩამოვიბერტყე და ფოიეში ამაყად შევაბიჯე. ფოიე სავსე იყო ცნობილი, ნაკლებადცნობილი და ჯერ კიდევ უცნობი სახეებით, რომლებიც ამაყად და საკუთარი ღირსების შეგრძნებით დააბიჯებდნენ აქეთ-იქეთ. აქვე გავიგე რაშიც იყო საქმე – სტუდია ”კრეატივს” (ხო, ხო, ”ჩვენი ოფისი” რომ გადაიღეს, მაგათ) რაღაც ფილმის გადაღება დაუწყია, ”რაც ყველაზე ძალიან გიყვარს” სათაურით და მაგის საუნდტრეკზე გადაღებული კლიპის პრეზენტაცია უნდა ყოფილიყო, ჯერჯერობით გაურკვეველ დროს. მიუხედავად ასეთი ჩახლართული სათაურისა Continue reading “რა მიყვარს მე?!”

We Remember II


მოსასმენი:

ახალი პოსტი ამ თემაზე <== ეს ლინკი.

გვახსოვს ბლიად…

მალე მოდის 27 სექტემბერი, სოხუმის დაცემის დღე, დღე როცა მოგვიტყნეს სიფათები, ფეხით გაგვთელეს და დაგვაჩმორეს.

მაგრამ! გავიდა დრო და ჩვენ დავბრუნდით! ჩვენ დავბრუნდით ჰიმნით, We Remember და We Remember II. სხვათაშორის ისინი ერთმანეთისგან განსხვავდება, პირველი ნაწილი გვახსენებს წარსულ დაჩმორებას, მეორე კი, რომელიც ახლა იწერება, მოგვიწოდებს ბრძოლისკენ.

ზუსტად მაგ მეორე ნაწილზე მუშაობა დამთავრდა დღეს, წიპა წერა და ხვალიდან გადავდივართ სტუდიაში, ჩაწერებზე. აქვე მომყავს ტექსტი და მონაწილეების სია: Continue reading “We Remember II”