გვბომბავენ


კვლავაც მეორდება ის, რაც არაერთხელ მომხდარა უკვე – მარსიანელების ვერტმფრენები შემოდიან ჩვენთან, რუსულ ჭურვებს გვიყრიან და მიფრინავენ უკანვე, მარსზე. დიახაც, ზუსტად რომ მარსზე, აბა როგორ იფიქრეთ რომელიმემ, რომ ეს ყველაფერი რუსების ნაჩალიჩარია? თუმცა ამ ჯერზე მარტო ჭურვების ჩამოყრა არ გვაკმარეს, ერთი ჩვენი ვერტმფრენიც მიაყოლეს ზედ. ნუ, ცხადია, ეგეც თავისით ჩამოვარდა, გარე ჩარევის გარეშე, მფრინავს ჩაეძინა ან რამე მსგავსი…

ჩვენი რეაქცია… რეაქცია, როგორც ეგეთი, არ გვაქვს, მიჩვეულები ვართ მგონი უკვე, ერთია რომ ყაზარმულზე გადავედით და აეროპორტებს ვამზადებთ. საინტერესოა ისე, გონიათ თუ არა ამათ, რომ ხვალ კიდევ მოფრინდებიან მარსელები და ზუსტად მაგ დროს დავიჭერთ. ასეა თუ ისე ფაქტი ფაქტად რჩება, დაზარალებულები ჩვენ ვართ. იქნიე ახლა მუშტები და იყავი, იმ სამ დაღუპულ ოფიცერს არაფერი ეშველება.

Advertisements