“გელინო”-ს ჩაწერა სტუდიაში


ეს კი ვიდეო, როგორ იწერებოდა სიმღერა ”გელინო”.

მალე ალბათ კლიპსაც გადავიღებთ…

Advertisements

Immortal Drunkards – გელინო


წარმოგიდგენთ ახალ ტრეკს ჯგუფისა Immortal Drunkards – გელინო.

ტრეკი ჩაიწერა 2010 წლის 23 აპრილს, სტუდია Crow Records-ში. ტრეკის სტილია ფოლკ-ჰიპჰოპი. მონაწილეები – BigCrow, Mroveli, Woodrow და ესპანურად მოლაპარაკე გოგო.

მოკლედ და კონკრეტულად, ტრეკი:

link: http://soundcloud.com/bigcrow/immortal-drunkards-gelino

მხოლოდ აქ! ლირიკა:

Immortal Drunkards – Gelino (lyrics)

ჩვენ ვიჯექით ჩემთან და არ გვქონდა ფული,
გვინდოდა არაყი და გვინდოდა ლუდი
იმაზე ვფიქრობდით, თუ რა გვექნა ჩვენ
არყისფერი ამინდია გარეთ დღეს

გარეთ ხომ წვიმს და არ არის მზე
ჩვენ გვიკვირს, რატომ გაგვითენდა ეს დღე
ქალებს ჩვენ ვკიდივართ, კაცები კი ჩვენ
აქ რამე სხვა ტექსტი, წავიდა, ჰე!

მის: გელინო, ჰე გელინო, ლუდის ბოთლით არაყი გვაქვს, გელინო
გელინო, ჰე ჰელინო, მაგრად გავილეშებითო, გელინო

მოვიდა ქალი, გრძელი და ლამაზი
მას ქვია რაღაცა, მაგრამ არა რამაზი
სასმელი გაგვიჯდა სისხლში ჩვენ ყველას
ისეთი ბოლია, ვერაფერს ვხედავთ

დაღამდა უკვე და ცა აღარ ჩანს
ჩვენ კი გულში დარდი და სევდა გვაქვს
რას ვეცეთ, რა ვქნათ, სად არის ნუგეში
ნუთუ ის ვეძებოთ მეგობრის უბეში

მის: გელინო, ჰე გელინო, ლუდის ბოთლით არაყი გვაქვს, გელინო
გელინო, ჰე ჰელინო, მაგრად გავილეშებითო, გელინო.

Immortal Drunkards-ცანგალა და გოგონა (კლიპი)


პატივცემულო საზოგადოებავ!

მოგეხსენებათ ალბათ, რომ აგერ უკვე ორიოდე კვირაა, რაც ჩემი აპარტამენტებიდან არ მაქვს ინტერნეტ რესურსებზე წვდომა, რასაც მართალი რომ ვთქვა ძალიან განვიცდიდი საწყის პერიოდში, მაგრამ ახლა ნელ–ნელა ვიკიდებ. აქვე აღმოვაჩინე, რომ ამ მოვლენას თავისი პლიუსებიც გააჩნია, რომელთანან ერთ–ერთიც მინდა წარმოგიდგინოთ.

აგერ უკვე სამიოდე წელია, რაც ჯგუფი “იმორტალ დრანკარდსი” ეწევა შემოქმედებას. თავიდან ეს ვიყავით მე და გეგა, შემდეგ კი ყველაფერს მიეცა ერთი მსახიობის თეატრის სახე – მე და სხვები, ანუ თითო სიმღერაში თითო მოწვეული ადამიანი. ერთი საერთო იდეური ხაზი, რაც შეიძლება ასე თუ ისე ჩანდეს არის ის, რომ გეგა და მროველი მაინც შეიძლება ჯგუფის ბირთვის ნაწილად ჩაითვალოს.

ჩვენი შემოქმედების ადრეულ პერიოდში, შორეულ 2007 წელს ჩვენ შევქმენით ჩვენი ერთ–ერთი პირველი ნაწარმოები – “ცანგალა და გოგონა”, რომელიც მართალი რომ ვთქვა, დიდად არაა ცნობილი ფართო საზოგადოებისთვის. ასევე არ გეცოდინებათ თქვენ ისიც, რომ ამ ორიოდე წლის წინ ამ სიმღერის კლიპის გადაღებაც დავიწყეთ, მაგრამ უთავობისა და გამო ვეღარ მოვაბით თავი მის დამთავრებას.

და აი ახლა, როდესაც ინტერნეტის გარეშე დავრჩი ხანგრძლივი დროით, მოვაბი როგორც იქნა თავი ამ ყველაფერს, სიმღერის ე.წ. რემასტერიც გავაკეთე, ანუ ახალი ჟღერადობა შევძინე და კლიპიც დავამთავრე. ალბათ უკვე მიხვდებოდით, რომ ზუსტად ამ კლიპის წარმოდგენა მინდა ახლა თქვენთვის. იგი გადაღებულია სამოყვარულო კამერით, მასში მონაწილე მსახიობები არ არიან პროფესიონალები, თუმცა ყველაფერი გულით არის გაკეთებული, რისთვისაც მინდა დიდი მადლობა გადავუხადო ყველას, ვინც დამეხმარა ამაში: მროველს და აპოკალიფსს იმისთვის, რომ კამერები მათხოვეს, მსახიობებს, რომელთა გარეშეც არაფერი გამოვიდოდა და ბოლოს საკუთარ თავს, რომელმაც ჩაწერა, გადაიღო და დაამონტაჟა კლიპი.

ახლა კი ვიდეო:

Requiem of immortality


მინდა წარმოგიდგინოთ სიმღერა, რომელიც ეკუთვნის Immortal Drunkards -ის უკვდავ კალამს – Requiem of immortality.

სიმღერა ჩაწერილია სტუდია ”Crow Records”-ში, მუსიკის და ტექსტის ავტორი ვარ მე, მორალურად და ტექსტის ამბებში დამხმარე – მროველი, შემსრულებლებიც იგივენი.

სიმღერა ეძღვნება ჩვენს უდროოდ გარდაცვლილ ძმას, გოშას, რომელმაც ამა წლის მაისში დაგვტოვა და წავიდა იქ, სადაც ყველანი წავალთ. R.I.P.

ახლა კი სიმღერა (უბრალოდ დააჭირეთ Play-ს):

ლინკი: http://soundcloud.com/bigcrow/immortal-drunkards-requiem-of-immortality

სიმღერაზე ყველა საავტორო უფლება ეკუთვნის Immortal Drunkards-ს.

Box.net დავაყენე


რა დაყენება კი ამას უნდოდა, მაგრამ უბრალოდ იუზინგი დავიწყე, როგორც მასონი ამერიკელები იტყოდნენ. ჰოდა რა არის ახლა ბოქს.ნეტი, შერინგის სისტემაა რა, ფაილების და ჩახუტების და რაც მთავარია, ფაილები არ იშლება (როგორც ჯერჯერობით მივხვდი) და ინახება. ეს კი კაია, სადღაც ერთი გიგაბაიტი სპეისი მაქვს და შემიძლია რაღაცეები გაჩვენოთ ხოლმე.

დასაწყისისთვის იმორტალ დრანკარდსის რამდენიმე სიმღერა ავქაჩე, ვისაც აინტერესებს, შეუძლია ჩასკროლოს მთავარი გვერდი (ბლოგის) ქვემოთ და ვიდჯეტების ბოლოში არის ბოქს.ნეტის ვიდჯეტი, სამადელკა ოღონდაც, რაც მოყვა ფლეშ ვერსია, არ დამევასა, საშინელი დიზაინი და ჯანდაბა იყო… ჰოდა მანდ შეგიძლიათ ნახოთ გადმოსაქაჩად განკუთვნილი ფაილები, მოქაჩოთ და დატკბეთ :)

აბა თქვენ იცით…